橙新聞

周顯

著名細價股炒家

【周顯專欄】幫緊你的壞蛋司機

【周顯專欄】幫緊你的壞蛋司機
資料圖

食色中環|周顯

著名細價股炒

Youtube有一條叫「幫緊你幫緊你」的片子,引起了我的注意。

一位女子上了的士,目的地是樂富居屋翠竹花園,上車時要求「司機麻煩你開快少少,趕時間。」不久後,女子開始發飊﹕「都話開快啲咯。」「你貼得太埋啦,危險呀司機。」「開快啲呀!」「點解會紅燈架,趕時間家嘛。」「行啦行啦,唔好望啦,你識唔識揸車架。」「你cut線有無打燈呀,真係畀你激L死啦,D!」「不如你打燈去右線啦,右線無車呀,司機,你識唔識揸車架?」「呢條線可以快多少少架,唔該晒啞。」「你個牌喺邊度考架?行快啲呀,識唔識聽呀?」「我真係好多嘢做架,你知唔知,好大壓力架而家香港人。」「Cut左線啦,左線無車呀!」

她尖叫說﹕「哎呀,cut線呀!」「係咪呢?遲左啦,點算呀!」又尖叫﹕「呀!快啲呀!」「點算呀,我仲未返到屋企呀,點算呀!點算呀,今次死梗啦!」「好大壓力家嘛!」「你幫唔L到我呀!點算呀!你識唔識聽人話架,快啲呀!呀!快啲呀!」「你笑乜L嘢呀!」「你幫唔到我呀,快啲啦,點算呀!點算呀!」「你打燈又唔識,超車又唔識,個牌都唔知點考返嚟,抵你無得揸賽車啦,D!」「我好唔開心呀!」

「喂你係唔係路架,係唔係兜我路呀,又唔識打燈,又唔識cut線,又兜路,又揸咁慢,D,你得唔L得架!你當我未搭過的士咩!你係唔係睇我唔起呀而家,我成日都搭的士架。」「有呀,啱啱嗰個位都唔係轉呢便,你識唔識揸架?唔識你就攞個地圖出嚟啦,懶係嘢,B呢巴喇咁L樣。」「我上網公審你架,你以為我唔識呀?呀,又衝燈,你做乜L嘢呀!」「危險架,安全啲啦!又兜路,又唔打燈……算啦,你兜路都,你又唔識揸車!」

「我平時返嚟都唔係呢個價嘅,你呃我呀?錢我畀你啦,你唔好兜我路啦,唉呀!」「我唔L理呀,你呃我,我覺得你歧視我囉。」「我平時坐60(元)嫁啫」「咁未L到吖嘛,你玩我呀?」「未到呀,你一陣仲要兜我路,我知嘅,你一陣仲要兜嘅,你唔好呃我啦!」「你幫唔到我囉都話。」「唔係錢嘅問題呀,你聽唔聽L得明呀!錢我大L吧,你個死的士佬。」「哎呀,點算呀!」「好大壓力呀!」

「佢地話我出街會惹到好多麻煩呀,點算呀!我係唔係好麻煩呀!」「佢哋話我會惹好多麻煩嘢呀!佢哋話唔好以超過十一點返屋企呀!佢哋話好危險呀!」「係呀,有時候呢,會有啲警察上門架,好驚呀,點解會有警察上門嘅?」「唔理呀,你唔好同我講咁多垃圾呀,我要返屋企呀,D!」「我唔理呀,你兜左路啦已經,遲左啦!」「62蚊呀,2蚊呀,大拿拿!遠左好多啦!」尖叫﹕「呀,唔理呀!」「唔係錢嘅問題呀,你真係聽唔L架喎!」「你明乜嘢呀?」「6座呀!6座呀!你知唔知邊L度係6座呀!」「哎呀,6座呀!」「你會唔會話畀人知我住邊架?吓,你會唔會架?」

司機的回答﹕「唔會,無啦啦點會話畀人知你住邊啫。痴線!」她說﹕「唔知,好驚呀我!」司機說﹕「唔使驚架,痴線。」

精采的在後頭……女方在付錢時,語氣忽然變得溫柔﹕「司機,唔好意思,100蚊,唔使找啦,我啱啱講左啲唔好嘅說話,你忘記啦,因為我要覆診架,對唔住呀。啱啱我講啲說話呢,無心架,你唔好擺喺心上便。」「我有少少精神病,」「真係唔使啦,司機,真係唔好意思。我呢,真係有問題,我未坐過咁好態度嘅的士,我第一次無畀人歧視呀,多謝你!」「多謝你呀司機,多謝你,多謝你!」

由此可以見得,第一,女主角心裏知道是自己不對,只是精神有問題,不能遏止發脾氣。第二,她常常坐的士,但卻常常被人歧視。這當然也是很自然的事,正常司機很難不同她對罵。

第三,也是最重要的一點,就是這個表面上態度最好的司機,把整條片放上網,網民公審了這可憐的女子,相信這就是他的態度一直如此良好的真正原因。

本來,按照正常心理,這女子在遇上了一名態度良好的司機,多少會對她的想法有幫助,可是,當她被如此上網公審後,相信在今後,心理會更為扭曲。換言之,本文批判的,是那司機,實在太卑鄙了!原來真正最壞的,是那位最「好人」的司機!

最後補充,司機一直說﹕「幫緊你,幫緊你。」因而片子以此為題目。又及﹕原來幾分鐘的片子,打出來,是這麼多字,寫到一半,有點後悔挑了這題目來寫。

作者簡介:

周顯,著名的炒股理論家,吃喝玩樂家,不著名的歴史學家、政治學家,過去還曾經當過社論主筆和武俠小說作者。

本文為作者觀點,不代表本媒體立場。

責編:Emma

編輯:Loki Chan

編輯推薦

【周顯專欄】和伯樂齊名的不重細節的九方皋

我的記性很差,看書和看資料時,往往記錯細節。我把這缺點撒賴在閱讀時集中於思考其中的脈絡、因由、影響後發事故,因而忽略了記誦內容。因此,有時候下筆撰文,往往犯下低級錯誤,寫錯基本資料。對此,我的撒賴...

2020-07-21 12:36

【周顯專欄】印度天氣和隨處便溺文化

印度在中國和世界其他地方剛剛有疫情時,幾乎完全沒有傳染,人們把這歸因於「咖哩」有防疫功能。後來,疫情初展,印度採用了強力的防疫工作,打人的棍棒都出動了,效果很不錯,染病的人很少。

2020-07-16 17:58

【周顯專欄】國王與私有產權

在古時,私有產權和政治權利/權力是分不開的,因此,政府有權把罪犯殺掉後,也把他抄家,家產沒入政府的口袋。國王分封貴族,是把土地和封爵一起封級後者,把這兩者分開,是後世的發明,因此,在古時,貴族只能把...

2020-07-14 11:03

熱門評論

已複製連結